Shritakamala Mangal Geetam | श्रितकमला-कुचमण्डल PDF
Shritakamala Mangal Geetam
श्रितकमला कुचमण्डल
मंगलगीतम्
श्रितकमला-मुखमण्डल धृतकुण्डल ए ।
कलित-ललित-वनमाल जय जय देव हरे ।।
कलित-ललित-वनमाल जय जय देव हरे ।।
दिनमणि-मण्डल-मण्डन भवखण्डन ए ।
मुनिजनमानस-हंस जय जय देव हरे ।
कालिय-विषधर-गञ्जन जनरञ्जन ए ।
यदुकुल नलिन दिनेश जय जय देव हरे ।।
मधुमुर-नरकविनाशन गरुडासन ए ।
सुरकुल-केलिनिदान जय जय देव हरे ।।
अमल-कमल-दललोचन भवमोचन ए ।
त्रिभुवन-भुवननिधान जय जय देव हरे ।।
जनक-सुताकृतभूषण जितदूषण ए ।
समर-शमित-दशकण्ठ जय जय देव हरे ।।
अभिनव-जलधर सुन्दर धृतमन्दर ए ।
श्रीमुख-चन्द्रचकोर जय जय देव हरे ।।
तव चरणं प्रणता वयम् इति भावय ए ।
कुरु कुशलं प्रणतेषु जय जय देव हरे ।।
श्रीजयदेव-कवेरिदं कुरुते मुदम् ए ।
मङ्गलमुज्ज्वल-गीतं जय जय देव हरे ।।
इति श्रीजयदेव कवि विरचितम् मंगलगीतम्
